Start Up ؟ 10 حاجات العلاقات العامة هتفيدك فيها.

In بالعربيPR

كلنا في البداية قابلتنا مشاكل كتير كـ ” Start Ups”، و زي ما المؤرخ دانيال. ج. بورستن قال “في ناس اتولدت عظيمة، وناس حققت العظمة، وناس عينت موظفين علاقات عامة”، دي 10 نقط سريعة عن حاجات العلاقات العامة هتفيدك فيها ..

1- بناء علامتك التجارية على الشبكة العنكبوتية:

العلاقات العامة هتعرّف الناس بيك، من خلال عرض  منتجك على وسائل الإعلام الالكترونية وتعمل حواليه البروباجندا المناسبة عشان الناس تحبه، يعني هتخلقلك علاقة مع الناس في العالم الافتراضي وتحافظ على أهداف طويلة المدى لعلاقتك بيهم.

2- توصيل شركتك للأسواق العالمية:

العالم بيتقدم بسرعة رهيبة، لو بعدت عن متابعة السوق يوم هتتأخر، العلاقات العامة بتضمنلك أنك تفضل متواصل مع كل جديد لحظة بلحظة في مجالك، وكمان بتوصل شركتك للأسواق العالمية عشان تكون في الصدارة.

3- إدارة ومراقبة سمعتك على الإنترنت:

وارن بافيت -رجل الأعمال وتالت أغنى أغنياء العالم في عام 2014- بيقول “تحتاج إلى عشرين عاماً  لبناء سمعة جيدة وفقط خمس دقائق لتدميرها”. ودور العلاقات العامة إنها تحمي سمعتك. لأنها  بتفلتر التعليقات الخاصة بيك وبمنتجك وبتتعامل مع التعليق السيء بذكاء عشان تحوله لإيجابي أو تمنعه من أنه يمس صورتك، ببساطة العلاقات العامة بتبنيلك الصورة المثالية اللي في بالك وبتحافظ عليها.

4- إثارة الفضول حولك وحول ما تقدمه:

العلاقات العامة بتثبّت مصداقيتك وتخليك تنتشر خارج حدود دايرتك الضيقة، وده بيثير فضول الناس عشان  يبحثوا  عنك وعن اللي بتقدمه.

5- تعريف الناس بماركتك:

أثرنا فضول الناس وخليناهم يدوروا عليك؟ العلاقات العامة بتخليك في الوقت ده متاح للناس بالفعل وبتوفر المعلومات الخاصة بيك وبمنتجك، وبتخليك منتشر عبر كل “السوشيال ميديا” والقنوات الإلكترونية المختلفة، وتنقل أخبارك وتعرف الناس بماركتك.

6- تكثيف ظهورك في وسائل الإعلام المختلفة:

الظهور الإعلامي من أهم وسائل الانتشار، لأنه بيوصلك لدايرة مختلفة من الناس. وده الدور اللي بتلعبه العلاقات العامة بما يتناسب مع نوع منتجك، وسائل إعلام زي أخبار في الجرايد ولقاءات تلفزيونية وإذاعية ..إلخ.

7- جذب عملاء محتملين:

استهداف العملاء المحتملين من أساس العلاقات العامة، كل الناس مهمة وكل الناس عملاء محتملين، لكن التركيز على المجتمع المهتم بمنتجك هو الهدف اللي بتشتغل عليه العلاقات العامة عشان تركز الضوء عليك وتقدر أبعد عين إنها تشوفك.

8- أحداث وفعاليات “أونلاين” مختلفة:

العلاقات العامة الإلكترونية بتصنع فعاليات “أونلاين” ممكن تنزل لأرض الواقع، وتبتكر فعاليات زي حفلات توقيع عن بُعد أو ندوات افتراضية تستضيفها الشبكة العنكبوتية، بتحقق نسبة وصول عالية للجمهور المستهدف.

9- ابتكار محتوى خاص بيك:

من أهم أدوار العلاقات العامة؛ إنها تبتكر محتوى خاص بيك، سواء كان مقالات أو منشورات على وسائل التواصل الاجتماعي أو ابتكار  فيديوهات مختلفة عن منتجك ونشرها بطريقك ذكية.

10- متابعة نتائج انتشارك:

العلاقات العامة بتوفرلك انطلاق آمن لشركتك، وبتخليك ظاهر للناس، وأكيد بعد كل ده بتتابع نتائج انتشارك ومدى فاعلية الضوء المسلط عليك، عشان تضمنلك أفضل انتشار إيجابي.

دلوقتي قولنا، فكرت تحط العلاقات العامة في خطة تسويقك؟

يمكنك أيضا قراءة هذه المواضيع!

جمعية العلاقات العامّة في الشرق الأوسط MEPRA تكريم شركة ماتريكس

قامت جمعية العلاقات العامّة في الشرق الأوسط MEPRA بتكريم شركة ماتريكس للعلاقات العامة لحصولها علي الجائزة الذهبية كأفضل شركة

أكمل القراءة …

الدروس المستفادة من حملة انتخابات النادي الاهلي

حملة انتخابات النادي الاهلي واحدة من دروس الPR   اللي لازم نستفاد بيها و عشان كدة تعالو مع بعض نشوف

أكمل القراءة …

مرتضي منصور رجل الPR الاول في مصر

اطلقت بالعربي PR علي مرتضي منصور الشهر ده لقب رجل الPR الاول  لانو قدر يطلع قبل الانتخابات باسبوع في

أكمل القراءة …

أضف تعليق:

بريدك الإلكتروني لن يتم نشره

قائمة الموبايل