حمله “عودة الروح المصريه”و حمله “كمل كرمك”

In بالعربيPR
صورة حول عودة الروح المصرية

رمضان شهر كريم، وكرمه باين في كل شيء، حتى في إعلاناته.

اتكلمنا عن المسؤولية الإجتماعية، ولمسنا أثرها في إعلانات رمضان المختلفة، ودلوقتي هنشوفها في إعلانين لمنتجين مختلفين تمامًا، العلاقات العامة جمعتهم من خلال إعلان قائم في أساسه على الإحساس بالمسؤولية الإجتماعية.

المسؤولية الإجتماعية هي دور الشركات تجاه المجتمع، وهو عمل طوعي بحت، وهي طبعًا من أهم ادوات العلاقات العامة، اللي بتهتم بيها لكونها بتمس المجتمع بشكل مباشر.

https://www.facebook.com/PalmHillsDevelopments/videos/837761179663999/

قامت بالم هيلز بإطلاق حملة “عودة الروح المصرية” لتحسين الحياة في قرى مصر، من خلال إعادة اعمار المنازل، وتوصيل المياه الصالحة للشرب، والصرف الصحي وتطوير التعليم المجتمعي والوحدات العلاجية، وهي بتشبه بشكل كبير لحملة كوكاكولا الخاصة بتطوير القرى المصرية، وكله بيقع تحت مظلة العلاقات العامة والمسؤولية الإجتماعية للشركات.

https://www.facebook.com/LiptonEgypt/videos/1143662575697401/

ليبتون، ماركة الشاي المعروفة، قررت السنادي بالمشاركة مع كنور فاين فودز، تنزل بإعلان غير تسويقي، إنما بيتبنى فكرة “كمل كرمك” اللي هدفها توصل الاكل لـ3,5 مليون مصري، والجدير بالذكر إن دي السنة التالتة اللي بتقوم فيها ليبتون بالحملة، وكان الذكاء في نشر فكرتهم بإستخدام تقنية شير=وجبة، اللي شوفناها قبل كده في إعلانات عالمية كتير، واللي بيعمل على زيادة فاعليتك كشخص في توصيل الفكرة.

ووصل إعلان ليبتون لأكتر من 5 مليون مشاهد على موقع “فيسبوك”، ولأكتر من 2 وربع مليون مشاهد على “يوتيوب”.

في حين وصل إعلان عودة الروح المصرية بالم هيلز لأكتر من 600 ألف مشاهد عل موقف التواصل الإجتماعي فيسبوك وأكتر من 150 ألف مشاهد على “يوتيوب”.

“كمل كرمك” شعار رفعته ليبتون من أول رمضان مع كنور فاين فودز وبنك الطعام المصري، هدفه إطعام 3,5 مليون محتاج .. ودلوقتي بمشاركة Uber كرمك هيزيد، فكل مرة هتختار تركب فيها أوبر هيتم توصيل وجبة من بنك الطعام لناس فعلًا محتاجاها .. كل اللي عليك إنك :

1- تفتح Uber.

2- استخدم برومو كود: kamelkaramak.

3- اختار رحلة Kamel Karamak (بنفس سعر UberX).

وتم الإعلان على موقع أوبر الرسمي، إن الهدف هو الوصول على الأقل لـ 10,000  مشوار يعني  10,000 وجبة قبل نهاية الحملة، فكل مشوار هتروحه على الخريطة الخاصة هتساعد أوبر وليبتون وكنور وبنك الطعام المصري على تقديم وجبة لشخص محتاج، وده لإن مصر لوحدها فيها اكتر من 3.5 مليون شخص بيعانوا من الجوع، وفي نفس الوقت 30% من الأكل في العالم بيترمي في سلة المهملات. عشان كده “كمل كرمك” هدفها انها توعي الناس وتوجههم انهم يقللوا من هدر الطعام.

والجدير بالذكر، إن الحملة بتقع تحت مظلة المسؤولية الإجتماعية اللي بتكون واحدة من أهم ادوات العلاقات العامة واللي قامت مجلة eurofound المالية بتفسيره على إنه مفهوم بيقوم على العمل التطوّعي اللي بيدمج بين الاهتمامات الاجتماعية والبيئية مع العمليات التجارية.

https://www.facebook.com/LiptonEgypt/videos/1149120881818237/  

يمكنك أيضا قراءة هذه المواضيع!

ملكة جمال فرنسا والكون تتجول في سيارة بشوارع مصر كُتب عليها عبارة “41 سنة”

قامت شركة بيجو احتفلا بمرور ٤١ سنة علي تواجدها بمصر باستضافة الفرنسية إيريس ميتينير، ملكة جمال فرنسا والكون والتي

أكمل القراءة …

يتم اليوم افتتاح فعاليات المؤتمر الاقتصادى العاشر والمعرض السنوى “الناس والبنوك”

تحت رعاية طارق عامر، محافظ البنك المركزى المصرى، يتم اليوم افتتاح فعاليات المؤتمر الاقتصادى العاشر والمعرض السنوى “الناس والبنوك”

أكمل القراءة …
الشركات و منتخب مصر

استخدام الشركات المختلفة للحظة التاريخية التي قادت مصر لكأس العالم 2018

قامت عديد من الشركات علي مواقع التواصل الاجتماعي بمشاركتهم فرحة المصريين بالفوز و كان اهمها قيام الهضبة عمر دياب

أكمل القراءة …

أضف تعليق:

بريدك الإلكتروني لن يتم نشره

قائمة الموبايل