كوارث ال PR في 2015

In أخبار PR

في عالم الإنترنت مفيش حاجة بتتنسي، والغلطة بتساوي كارثة ولو ملحقتش الكارثة بإستراتيجية “إدارة أزمات” يبقى سمعتك هتضيع.. المرة دي مش هنكلمك عن انجح حملات العلاقات العامة بالعكس إحنا هنكلمك عن كوارث الـPR اللي حصلت في 2015..!

1- شركة AT&T تدعو للعنصرية!

آرون سلاتور “Aaron Slator” هو رئيس شركة AT&T للمبيعات والمحتوى والإعلان، تم رفده السنة اللي فاتت لإنه بعت كوميك أو meme” عنصري لصاحبه.. وده بعد ما اترفعت قضية على الشركة لإنهم كانوا على علم بعنصريته ومقاموش بأي رد فعل تجاهه، ودفعوا غرامة 100 مليون دولار.

2- إليزبيت فون وصورة تويتر ..

إليزابيت فون “Elisabeth von” محررة ستايل في مجلة فوج للموضة، عملت غلطة كبيرة لما شافت متشردة ماسكة المجلة فررت إنها تستغلها في الدعايا، فبعد ما قامت بنشر الصورة على تويتر، قام الكل بمهاجمتها لإستغلالها للست المشردة ولإن مش كل حاجة مفروض تتنشر ولا نسخر منها..

وبعد كمية عظيمة من الشتايم، اضطرت في الاخر للاعتذار .. لكن ده ممنعش الهجوم، لإن لحد دلوقتي في ناس بتكرهها.

3- راس الحكمة ..

فريق كرة القدم الأمريكية “سياتل سي هوكس” بعد فوزه غير المتوقع في السوبر بول، قرر الإحتفال، فنشروا صورة فيها مقولة للزعيم الناشط السياسي الإنساني مارتن لوثر كينج جنب صورة اللاعب الرئيسي في الفريق.

الصورة أدت لهجوم ناس كتير عليهم، لإنهم شافوها إهانة إنهم يقارنوا مارتن لوثر كينج وأعماله باللاعب الرئيسي لنادي رياضي وفوزه!

4- جراج أمازون..

قررت شركة أمازون إنها تقوم بعمل فعالية شرا على أرض الواقع، وفي الوقت اللي كان ممكن يقوموا فيه بعض أجهزة إلكترونية أو كتب.. قاموا بعمل معرض تبادل للحاجات غير المستخدمة عند الناس.

فبدل الإلكترونيات والحاجات المألوفة، لقى المتسوقين حاجات جديدة مكنوش متوقعينها، زي “التليفونات ام قرص، وبناطيل قديمة، ولفة عشوائية من ورق التواليت!”

الفعالية كانت فاشلة لدرجة إنها خلت أقل المحلات المشهورة تقول للناس “إحنا أحسن.”.. وتعتبر من الـpr اللي تم تنفيذه غلط بشكل مضحك!

5- فلات بس حلو!

مطعم IHOP قام بعرض إعلان بسيط فيه صورة بان كيك، وبإعتبار ان البان كيك فلات أو مسطح شاف انه هيكون مضحك لو عرضه كـ فلات بس عنده شخصية عظيمة، في تلميح جنسي سخيف، وده ادى لهجوم كبير من الناس لإن البنات بقالهم كتير بيحاربوا عشان مفهوم إن جسم البنت لا يدل على شخصيتها، فكان من غير اللائق تقديم محتوى زي ده، وطبعًا بعدها قاموا بسحب الاعلان واعتذروا.

6- الرياضة شطارة ..

أحيانًا الرياضة بتكون أهم من الحياة، وأحيانًا الحياة بتطغى على حبك للرياضة، لكن الأكيد إن حب المال بيطغى على أغلب الناس أغلب الوقت، رئيس الفيفا سيب بلاتر “Sepp Blatter” قضى فترة طويلة ينكر ان ايده اتمدت على خزاين الفيفا ويدافع عن نفسه وعن سمعة المسؤولين.

لكن في مايو 2015، اتوجهت دعوة لـ14 مسؤول في الفيفا بتهمة الفساد عميق الجذور بعد تحقيق من مكتب التحقيقات الفيدرالي، وبعد 6 شهور تم تحويل 16 مسؤول للسجن لأكتر من 200 مليون دولار رشوة.

بلاتر صاحب ال79 سنة، عقد مؤتمر صحفي أعلن فيه استقالته، لكن ده ممنعش الناس من كرهه.

7- متجر Urban لملابس الهولوكست!

عالم الموضة تنافسي، والعلامات التجارية محتاجة انها تلمع عشان تنجح، وفي سنة 2015 ملابس Urban لمعت، لكن للاسباب الغلط.

مصممين الأزياء، ومسؤولين الموضة قعدوا على تربيزة واحدة وقرروا يعملوا تصميم واحد يجذب الراجل والست المحبين للموضه، فقاموا بعمل تيشيرت مخطط فيه مثلث مقلوب، اللي بيعادل نفس اللبس اللي كان اليهود بيجبروا انهم يلبسوه وقت المحرقة أو الهولوكوست.

وطبعًا التصميم ازعج ناس كتير واعتبر عيب في عالم تصميم الأزياء الراقية، واللمعة اتحولت لحرق للتصميم.

8- بطل اعلانات سابواي..

جاريد فولجي Jared Fogle، كان يعتبر علامة في إعلانات سابواي  “Subway“، في البداية كان جاريد وزنه 425 باوند وكان مصمم على خسارة الوزن، فاتبّع قايمة سابواي للأكل الصحي، وخسر 245 باوند، واستغلوه في الدعايا للمطعم، لكنهم نسيوا قبل ما يشتغلوا معاه يسألوه لو كان “مريض شاذ وبيحب الاطفال بشكل جنسي”!

وده لإنه اتحكم عليه ب16 سنة بعد ما اتسربله شريط بيتفاخر فيه بحبه للأولاد تحت السن القانوني، وأثناء الشريط رمى نكتة عن سابواي.

لكن، الكويس إن سابواي خرجت نفسها من الموضوع وبسرعة اتجهت لحملة اعلانية تانية.

9- فولكس واجن ووهم حماية البيئة ..

مش بس الطلاب الفاشلة بيغشوا في الامتحانات، كمان شركات العربيات العالمية بتغش، وعملت كده شركة فولكس واجن، الشركة ادعت إن عربيتها صديقة للبيئة بس بعد تسريب مكالمات بتفضح حقيقة جهازهم لحماية البيئة، واعترفت فولكس واجن بإنها قامت بالغش في اختبارات الانبعاثات الصادرة عن العربية، وكشفت ابحاث وكالة حماية البيئة إن 482000 عربية داخل الولايات المتحدة و11 مليون في العالم غير مطابقين وبيضروا النظام البيئي.

واضطرت الشركة لدفع غرامة 37،500 دولار على كل عربية، واعتبرت دي علامة سودا في تاريخها.

10- السقوط من أعلى ..

بيل كوسبي Bill Cosby، نجم التسعينات، اثبت إن كل ما كنت أعلى كل ما الوقعة هتبقى أقوى، وده بعد ما اتهمته أكتر من 50 سيدة بالاعتداء عليهم، وحتى المدافعين عنه اتخلوا عنه بعد ما زاد عدد الستات اللي اهتهموه بالاعتداء عليهم، وتم سحب الدكتوراه الفخرية اللي كانت ممنوحاله.

يعتبر الحدث كارثه في تاريخه، ويعتبر من أبرز الأحداث في تاريخ فشل الـpr.

11- أربعاء الkkk ..

الـkkk هي منظمة معادية لأصحاب البشرة السودا، وفي أمريكا القديمة كانوا بيقوموا بإضهادهم وضربهم ويمكن توصل لقتلهم، وKrispy Kreme هو محل دونات حب يقوم بفعالية للأطفال وبدل  Krispy Kreme Klub قاموا بكتابة kkk .. الموضوع أثار ضيق واستغراب وهجوم الناس على السوشيال ميديا، فقاموا طبعًا بسحب الاعلان وقدموا اعتذار فوري، وبرغم حسن تصرفهم إلا انهم واجهوا انتقادات كتير من الناس، وتمت تغطية الموضوع بشكل كبير في الإعلام زي: USA Today, the Guardian, Fox News, و The Christian Science Monitor.

العواقب الوخيمة اللي تمت بعد الأحداث دي تدل على فشل مسؤولين الـpr الخاصين بيهم، لإن الـPR مفروض يحميك ويحسن صورتك وينقذك في الأزمات.

يمكنك أيضا قراءة هذه المواضيع!

ملكة جمال فرنسا والكون تتجول في سيارة بشوارع مصر كُتب عليها عبارة “41 سنة”

قامت شركة بيجو احتفلا بمرور ٤١ سنة علي تواجدها بمصر باستضافة الفرنسية إيريس ميتينير، ملكة جمال فرنسا والكون والتي

أكمل القراءة …

يتم اليوم افتتاح فعاليات المؤتمر الاقتصادى العاشر والمعرض السنوى “الناس والبنوك”

تحت رعاية طارق عامر، محافظ البنك المركزى المصرى، يتم اليوم افتتاح فعاليات المؤتمر الاقتصادى العاشر والمعرض السنوى “الناس والبنوك”

أكمل القراءة …
الشركات و منتخب مصر

استخدام الشركات المختلفة للحظة التاريخية التي قادت مصر لكأس العالم 2018

قامت عديد من الشركات علي مواقع التواصل الاجتماعي بمشاركتهم فرحة المصريين بالفوز و كان اهمها قيام الهضبة عمر دياب

أكمل القراءة …

أضف تعليق:

بريدك الإلكتروني لن يتم نشره

قائمة الموبايل