سينما الPR : البيضة والحجر

In منوعات

“خوف الناس من المستقبل بيسبب لهم قلق، والقلق بيخلق الإستعداد لتقبل الإيحاء، وفي ظل الإيحاء الناس بتصدق أي حاجة”

في العصور القديمة الناس مالت لتفسير كل الظواهر غير المفهومة بنظريات خارقة وحكايات اعتبروها حقايق واعتبرناها أساطير، وعدى الوقت وتطور عقل الإنسان وظهرت النظريات والحقايق العلمية اللي نفت تدخل قوى خارقة في سير العالم، لكن.. إلى أي مدى تطور عقل الإنسان؟ وازاي ممكن تقنع فئات إجتماعية مختلفة بعقليات مختلفة بفكرتك اللي بتعتمد على تفسير المواقف المختلفة بالشعوذة والجن والأعمال السُفلية والقوى الخارقة!

بيتبنى فيلم البيضة والحجر سبيل مختلف عن أفلام فترته، لإنه بيتبنى فكرة “ويلٌ للعالم إذا انحرف المتعلمون.” .. وفيه بيظهر “مستطاع” مدرس الفلسفة اللي بيتم تحويله للتحقيق لإنه عنده “مبدأ” أو فكر يختلف عن القولبة الموضوعه للمُعلمين .. وبيتجه للدجل أو اللعب الذكي بآمال ورغبات الناس ..

وبنشوف بعدها تحول من أطلق على نفسه “من صراصير المجتمع” لمشعوذ درجة أولى من أسياد المجتمع .. بنشوف إزاي بيقدر بالعلم والعقل يقنع ناس مثقفة وواعية بأفكاره الخارجة عن مساق العلم والمنافية للعقل، الهالة اللي تم خلقها لـ “مستطاع” كانت بنوع من أنواع الـPR، لإن بشكل ما العلاقات العامة هي الذكاء الإجتماعي، وهو كان ذكي اجتماعيًا وعلميًا.

في الفيلم مش هتشوف استراتيجيات PR واضحة، أو كلام صريح عن أهمية العلاقات العامة، لكنك هتشوف تحليلات نفسية عن المجتمع، هتعرف أكتر عن الناس والنفوس، هتشوف ضعف المثقف والعارف، وهتشوف إنحراف المُقوّم، وهتشوف قدرة الـPR على نقل شخص من عالم لعالم، وأكيد هتعرف أكتر عن الذكاء الإجتماعي..

نقدر بكل إنصاف إننا نعتبره فيلم مش عادي، خصوصًا لإنه من ممثل مش عادي، بتمثيل أحمد زكي، وتأليف محمود أبو زيد وإخراج على عبد الخالق ومع موسيقى حسن أبو السعود، بنضمنلك إنك هتبسط حواسك وتستمتع بفيلم مختلف عن علم النفس والفلسفة وعلم الإجتماع وأكيد هتعرف أكتر عن الـPR.

وويلٌ للعالم إذا نحى الناس العقل جانبًا ..

يمكنك أيضا قراءة هذه المواضيع!

ملكة جمال فرنسا والكون تتجول في سيارة بشوارع مصر كُتب عليها عبارة “41 سنة”

قامت شركة بيجو احتفلا بمرور ٤١ سنة علي تواجدها بمصر باستضافة الفرنسية إيريس ميتينير، ملكة جمال فرنسا والكون والتي

أكمل القراءة …

يتم اليوم افتتاح فعاليات المؤتمر الاقتصادى العاشر والمعرض السنوى “الناس والبنوك”

تحت رعاية طارق عامر، محافظ البنك المركزى المصرى، يتم اليوم افتتاح فعاليات المؤتمر الاقتصادى العاشر والمعرض السنوى “الناس والبنوك”

أكمل القراءة …
الشركات و منتخب مصر

استخدام الشركات المختلفة للحظة التاريخية التي قادت مصر لكأس العالم 2018

قامت عديد من الشركات علي مواقع التواصل الاجتماعي بمشاركتهم فرحة المصريين بالفوز و كان اهمها قيام الهضبة عمر دياب

أكمل القراءة …

أضف تعليق:

بريدك الإلكتروني لن يتم نشره

قائمة الموبايل