” جون كاسن ” رجل الـPR بسلامته

In أخبار PR
" جون كاسن " رجل الـPR بسلامته

جرب تسأل الناس العادية في الشارع عن سفير أي دولة وشوف هيعرفوه ولا لا، جرب بقى تسألهم عن جون كاسن السفير البريطاني في مصر هتلاقي أغلب الوشوش ضحكت وتلاقيهم بيقولوا “ده راجل عسل!” بس مين جون كاسن وإزاي وصل لقلوب الناس وقدروا يتقبلوه وهو أجنبي وسفير بلد احتلتنا حوالي 70 سنة؟

في الوضع العادي وسط كل نظريات المؤامرة وكره البعض لبريطانيا كبلد احتلت مصر لحوالي 70 سنة، جون مفروض يكون في “خانة اليك” ومفروض يلجأ لاستراتيجية الدفاع ويشحذ كل اسلحته عشان يأمن الوضع، لكنه لجأ لإستراتيجية تانية خالص، جون لجأ للـPR عشان يأمن وضعه!!

في البداية “جون كاسن” السفير البريطاني في مصر ليه خبرة كبيرة في الشرق الأوسط لإنه مسك مناصب كتير تخص العرب والشرق الاوسط أهمها انه تولى منصب نائب السفير البريطاني في الأردن، ورافق رئيس الوزراء البريطاني “ديفيد كاميرون” في زيارته لمصر عام 2011، الزيارة اللي يقال إنه بعدها طلب من كاميرون إنه يعينه سفير لمصر، وبعدها اتنقل هنا هو ومراته كاثرين كاسن، وبدأت حكايته..

نقدر بكل إنصاف إننا نعتبره سفير ناجح، لإنه نجح في التواصل مع الشعب المصري ونقل ثقافة بلده بروح خفيفة، وبما إننا بنتكلم عن تواصل وقرب من الناس يبقى أكيد الموضوع ليه علاقة بالـPR !

“بعد أن تقوم بالشيء الصحيح دع الناس تعرف أنك قمت به. -جون روكفلر من كبار رجال الأعمال والصناعيين في الولايات المتحدة”

جون كاسن مش بس ناجح في شغله ده كمان بيقوم بالـPR بشكل ناجح جدًا؛ لإنه قادر يستغل العلاقات العامة في الترويج لنفسه كسفير لبريطانيا.

ونقدر ببساطة نشوف ده.. لإن الـPR هيخلّي الناس كلها تجيب سيرتك بالخير، وده اللي بيحصل مع السفير، والـPR هيخلّي الناس تشوف المكان اللي شغال فيه أرض الأحلام وهيتمنّوا يكونوا جزء منه وده برضه اللي بيحصل في السفارة.

وده عن طريق الأخبار اللي بتنتشر عن الفعاليات اللي بتتم داخل السفارة وألطفها عربية الفول اللي السفير دخلّها وعزم كل العاملين في السفارة عليها، غير مقابلته “لرمضان صبحي” وتفاعله مع اعلانات رمضان وانخراطه العميق مع عادات الشعب المصري وشغفه بتجربه كل جديد.

كل ده PR وكل ده ساعد على نجاح جون كاسن كسفير في بلد غريب عليه ثقافيًا واجتماعيًا، وساعد مش بس على تأقلمه في العيشة إلا انه كمان قدر يوصله لقلوب الناس ويشوفوه كشخص بسيط ويكسر كل حواجز البروتوكولات بينه وبينهم.

شكرًا لجون كاسن لإنه شخص لطيف، وشكرًا للـPR إنه عرفنا ده.

يمكنك أيضا قراءة هذه المواضيع!

بالعربي pr و السنة الجديدة و انا وًانت و الpr تالثنا

اكيد كلنا متفقين اننا داخلنا خلاص السنة جديدة اه حقيقي مش حاسين باختلاف اوي بس يمكن يكون الاختلاف ده

أكمل القراءة …

ازاي تبقا PR حتي لو مَش شغال في ال PR

ازاي تبقا PR حتي لو مَش شغال في ال PR ! ازاي بقا، في الاول كدة كنت حابة أسالك

أكمل القراءة …

أضف تعليق:

بريدك الإلكتروني لن يتم نشره

قائمة الموبايل