استخدام الشركات المختلفة للحظة التاريخية التي قادت مصر لكأس العالم 2018

In بالعربيPR
الشركات و منتخب مصر

قامت عديد من الشركات علي مواقع التواصل الاجتماعي بمشاركتهم فرحة المصريين بالفوز و كان اهمها قيام الهضبة عمر دياب بتيسجل اغنية الليلة و تم اذاعتها فور فوز المنتخب.

و طبعا زي ما انتو عارفين  احنا  في بالعربي PR اي ظاهرة في المجتمع لازم نحللها من وجهه نظر العلاقات العامة فتعالو نشوف مع بعض ازاي قامت الشركات المختلفة بالاحتفال معنا و ازاي حبو يشاركونا الفرحة و في نفس الوقت يعملو شوية PR لنفسهم .

ياتي  في مقدمة الاحتفالات  الفيديو اللي تم نشره علي الحساب الرسمى للسفارة البريطانية فى مصر، و هو فيديو لتشجيع فريق عمل السفارة لمنتخب مصر فى المباراة التاريخية، و اللي كان هدفه التهنئة بتاهل المنتخب رسميا إلى كأس العالم عام 2018 فى روسيا و كتبوا تعليق علي الفيديو ان هذه هي الحظة التاريخية سعدنا بمشاركتها معكم  نحن فريق عمل السفارة بريطانيين ومصريين شجعوا المنتخب المصري من الاستاد والمقاهي وبيوتهم. جمعنا كل لحظات الفرحة وعملنا الفيديو ده ” و بصراحة عملو فيديو مؤثر جدا عن لحظة فوز المنتخب و عن فرحة المصريين بيهدف للدعاية عن السفارة و في نفس الوقت ازاي هيا شاركت المصريين فرحتهم.

و بالنسبة للشركات اللي اعلنت عن خصومات بمناسبة فوز المنتخب قامت بي تك بعد انتهاء الماتش و الفوز بربط الفوز 2/1 و خلتو خصم 21% علي منتجاتهم لفترة محدودة و استغلت استخدام اسم  اللاعب المشهور محمد صلاح و عملو اعلان مميز اوي و كان تحت عنوان ” لو اسمك “صلاح” او “محمد صلاح” روح كل فروع بى تك و هتاخد خصم اضافى على مشترياتك العرض ساري لمدة 48 ساعة” العروض متوفرة بالفروع فقط يللا منشن اصحابك اللى اسمهم محمد او صلاح طبعا الاعلان اخد mention  و Share و عمل Engagement علي الصفحة عالي جدا.
اعلنت شركة اتصالات في اعلان علي صفحتهم مبروك للمصرين في كاس العالم و عملت فيديو مدته دقتين و كتبو فيه عن عرض بمناسبة فوز المنتخب و كان الاعلان بيتضمن ” دلوقتي اقوي كارت هيديك 10 اضعاف شحنتك و خصم 50% علي انظمة الانترنت و استخدمت هاش تاج #اتصالات_مصر_في_كاس العالم ” و حقق نسبة مشاهدة و تفاعل هايل جدا.

و بالنسبة لفودافون مفتهاش طبعا تقدم عرض بيقول  اتفرج علي الماتش من اي مكان علي موبايلك وسعر الخدمه 1 جنيه واول يوم ببلاش

و ماكدونالدز قدمت عرض هائل و هو  ازاي تشجع مصر وتكون كسبان من الساعه 6 وحتي 9 مساء وهو ان لو مصر كسبت هتاخد اوردر تاني مجانا .

 

كريم و اوبر احتفالوا معنا  و عملولنا عرض و هو  لو مسافر لمشاهدة المبارة تمتع بخصومات مع كريم و بالنسبة لاوبر   قدمت انك لو رايح اي حته في مصر تشجع تستعمل كود وتحصل علي خصم 30% رحلتين لاى مكان في مصر  .

و ده غير شركات تانية كتير عرفو يستخدمو العلاقات العامة و يجمعو ما بين مشاركة الناس فرحتهم في حدث و عمل ترويج لمنتجهم متفوتش انت كمان اي فرصة و خليك متابع لو عندك منتج او بتشتغل في العلاقات العامة لمنتج حاول دائما تستفيد من الاحداث و اربط منتجك بحاجة تفرح الناس لان العلاقات العامة مش بس انك تشارك بخبر او تنظم حدث هو انك تكون موجود وسط الناس و تخلي سيرتك علي كل لسان .

الي اللقاء في مقال اخر من بالعربي PR.

كتب بواسطة : سارة الدومي

 

يمكنك أيضا قراءة هذه المواضيع!

جمعية العلاقات العامّة في الشرق الأوسط MEPRA تكريم شركة ماتريكس

قامت جمعية العلاقات العامّة في الشرق الأوسط MEPRA بتكريم شركة ماتريكس للعلاقات العامة لحصولها علي الجائزة الذهبية كأفضل شركة

أكمل القراءة …

الدروس المستفادة من حملة انتخابات النادي الاهلي

حملة انتخابات النادي الاهلي واحدة من دروس الPR   اللي لازم نستفاد بيها و عشان كدة تعالو مع بعض نشوف

أكمل القراءة …

مرتضي منصور رجل الPR الاول في مصر

اطلقت بالعربي PR علي مرتضي منصور الشهر ده لقب رجل الPR الاول  لانو قدر يطلع قبل الانتخابات باسبوع في

أكمل القراءة …

أضف تعليق:

بريدك الإلكتروني لن يتم نشره

قائمة الموبايل